Wiktenauer logo.png

Page:Der Allten Fechter gründtliche Kunst (Christian Egenolff) 1531-1537.pdf/23

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Tritt nahend inn Bund,
 Zucken geben gut fund,
Zucke, Trifft er, Zuck meh,
 Arbeit, das thut im we.
Zuck alle treffen,
 Wiltu die meyster äffen.

Von Anbinden.

Bindt dir einr oben an, prüff ob er hert oder weych lige, Ligt er hert, so wind unden durch, auß der Rosen, gegen seinem gsicht an das linck ohr, so windestu ihm sein schwerdt auß, und blössest ihn damit. Zuckt er aber, und schlegt, verfare oben mit der versatzung.

Bruch.

Wann dir einer oben hat anbunden, unnd ligt vest, das du nit Zucken darffst, und will auch nit Zucken, So heb deinn knopff übersich, und laß ihm den ort zwischen seiner hend eingehn, unnd zuck an dich, so muß er lassen.

Außreissen.

Wann dir einer anbindet, und ligt hert im Anbinden an deim schwerdt, So greiff mit deinem ghültz über seine bede hend, und reiß undersich zu dir, damit blössestu und schlegst ihn.

Vom Nachraysen.

Nachreysen lere
 Zwifach, oder schneid in die wehre.
Zwey auch darinne,
 Dein arbeit damit beginne,
Und prüff die gferte,
 Ob sie sind weych oder hertte,
Das fülen lere,
 In des das wort, schneid sere.
Nachreysen zwifach
 Trifft, Man den alten schnit mit (macht.

Das vierd Läger würt genannt der Pflug. Was dir Püffel schlegt, tritt inn Triangel mit dem rechten fuß, unnd versetz kurtz mit der fleche, das er abrüst. Darnach tritt ihme nach mit dem lincken fuß, und schlahe mitt langer schneid nach.