Wiktenauer logo.png

Page:Der Allten Fechter gründtliche Kunst (Christian Egenolff) 1531-1537.pdf/59

From Wiktenauer
Jump to navigation Jump to search
This page contains changes which are not marked for translation.

This page needs to be proofread.

XXVII v


Hawt er auff dich rechtens,

    Entrüst, und wart vechtens, 

Mit linck seinen rechten fahen,

    Recht überschlah, so mag edir kein schad nahen.
    Gehe strack auff ihn mit dem Entrüsthaw, fahe seinen rechten arm, mit deinem lincken arm oder handt, kere dich umb, und laß dein messer fallen, unnd far ihm unden durch den arm, unnd schlahe ihm deinen rechten arm außwendigs ins gelenck des elnpogens, zuck den an dein brust, leg dich starck mit dem leib daruff Wiltu ihn dann werffen, so schreit mitt deinem rechten fuß hinder seinen lincken.

Bruch.

Will er überschlagen im vechten,

    Uberschlagen den rechten, 

Dann soltu durchfaren,

    Er ist gefangen, als in eim garen.
    Greifft er dir mit seiner lincken verkerten handt in dein rechte. Laß dein messer fallen, reiß dein rechte handt innwendigs auß seinr lincken, und fare unden durch seinen lincken arm, wende dein recht seit an sein lincke, wirff ihn starck über dein hufft.

Ein Beschliessen.

Recht mit linck arm lern beschliessen,

    Halt ihn vast zu verdriessen, 

Mit messer lern arm dauchen,

    Wiltu der Beschliessen gebrauchen.
    Hawet er oben, haw zugleich mit einem Entrüsthaw, komm nahend an ihn, das die hend einander rüren, In des halt deinen rechten arm starck an seinem, schlahe in des deinen lincken arm über seinen rechten in das gelenck des elpogens außwendig, Far mit der lincken handt innwendig an deinen rechten arm, und lege

dich