Page:Ein new Kůnstliches Fechtbuch im Rappier (Michael Hundt) 1611.pdf/129

58. Ligen oder wollen E.Gn. mit einem im Tolch fechten, so geben E.G. wol achtung auff die Wiederpart, und sezen E.G. mit dem rechten Schenckel sampt dem Tolch und Rappier fort mit dem halben Leibe, So bal der uff E.G. wil stossen, so nemen E.Gn. seinen stoß mit dem Tolch wol weg, unnd tretten mit tem Schenckel uff die Prima, und stossen ihm nach seinem Kopffe zu, und eben im stoß lassen E.Gn die spize sincken am Rappier, und stossen ihn unten nach seinen kurzen Ribben hinten, das ser es mit dem Tolch nicht versezen kan. Wollen E.G. nich nach stossen, so tretten sie mit dem lincken Schenckel hinder sich wol mit auff die Quinta, und demen alle stösse mit dem Tolch weg,biß E.G. sehen, daß sie ihn erlangen können, Aber E.G. können ihn im Circkel wol angreiffen nach ihrer gelegeuheit.