Von 4 Plessen
Vier plesz wisse,
zuraummen so schlechstu gwisse,
an alle far,
wie er gepar
Vier Plesz prechen
Wildu dich rechen,
die fier plesz kunstlich prechen,
oben duplier
unden recht mutier,
ich sag dir furwar,
sich schuczt kain man anfar
hastu mich vernumenn,
zu schlag mag er nit kumenn
SCHLEUDERN
Schleydren nim ausz der obren[!] hut, hau gegen ym mit der langen schneidt auf sein linck or verseczt er sich thu ob du zucken wellest und pleib mit der kurczen schneidt an seimen lincken or zuck und schleyder von unden mit der flech an sein recht or
PRUCH
Ob dir ainer zu schleidert lasz den ersten straich ab schneiden und versecz den andernn von oben nider mit deiner langen schneidt, so magstu in stecken oder tempffen
Durch schissen
Durchschissen magstu auch nemen ansz dem hohenort, hau von oben nider unden durch dierosen, mit verkerten henden und kurczer schneid in sein gesicht, lasz kurcz ablauffen, mit der langen schneidt nachtretten
PRUCH
Wan dir ainer durch scheust, und wil dir die kurcz schneid an legen dastu anderst nit arbaiten kanst, nim dein schwerdt peim ort und schlach ym dasz creucz an kopf