Wiktenauer logo.png

Page:Ergrundung Ritterlicher Kunst der Fechterey (Andre Paurñfeyndt) 1516.pdf/81

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Fechten im tolich oder kempftegen

Item daß erst stuck,

sticht dir ainer von oben nider zu dem gsicht oder prust, so ferfar mit deim lincken armm, und greiff mitder lincken hant von inwendig aussen yber sein rechten armm und truck yn fast in dein lincke seitten, und stich yn dan mit deinem tolich zu seinem gsicht

Das ander stuck

Thut er ob er dir oben zu deim gsicht wel stechen und macht dir ain feler und wil dich in die seiten stechen so fach den stich in dein lincken armm und wint dan mit diener lincken hant von unden auff uber sein rechte hant und truck vast an dein prust und stich yn mit deim tolich zu seim gsicht

Das drit stuck

Hat er den tolich gefast daß die scheiben bei seinem daumnen stet und sticht dir oben zum gsicht, so far mit deiner lincken hant von unden auff inwendig seines techten[!] armms, und aussen uber sein rechte hant und fach ym die hant mit dem tolich in dein link uchsen und secz ym an

Das Virt stuck

Hat er sein tolich daß die scheib pei dem daumen stet und stciht[!] dir zu der seiten oder gmecht so var mit deiner lincken hant von oben nider und stich mit deinem tolich under sein rechte hant undersich, und mit deiner rechten hant ubersich heb und truck fast an dein prust und schwing dich von ym auf sein rechte seitten.