Wiktenauer logo.png

Page:Gründtliche Beschreibung der Kunst des Fechtens (Joachim Meÿer) 1570.pdf/78

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

unnd lasse den vierten treffen, eben desgleichen trauwe den ersten unnd den andern biß an die Blösse, und verzucke doch solches wider ab, und führe den der andern nechsten Blösse eine zu, in diser verzuckung kanstu, und solt sie auch mit dem ersten angreiffen, aller ding wie hievor in der ziffer gelehrt abwechseln, nemlich das du jetz an diser dann an einer andern abzuckest unnd verfehlen lassest, und under des gleichwol fürsorg und auffmerckens habest, wo er dir irgendt zur Blöß würde einfallen, das du im bald von solchem verzucken mit dem Bandt an seinem schwert seyest, aus disem verzucken fleußt nun weiter das Ablauffen und Fehlen unnd dergleichen, Also wann du ein hauw diser obgedachten theilen des Mans eine zuführest, und aber in dem du gewahr würst, das er solchen Hauw versetzen, so zuckest du gleichwol nicht wider ab, sonder (auf das er deines vermerckens nicht gewahr werde) so lasse neben der selben seiten vollen fehl füruber ablauffen, unnd Hauwe ihm behende zu einer andern Blöß, ehe dann ers recht (was du führest) innen wirt, Exempel:

So du dich durch das auffstreychen zum streich erholet hast, wie Oben gelehret, so trit unnd Hauwe von deiner Rechten hoch herein gegen seinem Lincken ohr, als bald er dem nach wischt so lasse behend dein klingen mit der halben schneide neben seiner Lincken undersich sincken, unnd ruck damit dein Knopff und Hefft ubersich, und Hauwe ihm behend mit kurtzer schneide zu seinem Rechten ohr, also das dein hend in solchem hauw kreutzweiß kommen.

Item las den ersten gegen seinem Lincken ohr hart antreffen, den andern lasse behend auff vorige weiß neben seinem Rechten fehl füruber lauffen, unnd triffe dieff zu seinem Lincken ohr, also magstu auch (wo du den ersten mit im hart eingehauwen hast) behend darauff, auff beiden seiten ablauffen lassen, und demnoch zu der nechsten Blöß so die offen ist einfallen, dises alles so bisher gelehrt kanstu uberecke und kreutzweiß, auch gegeneinander einfach unnd doppel, in das