This page needs to be proofread.
Das Neu gemain teutsch gestech mag man also ordinieren, der man ist angethan mit gemainem stech zeug, auch seinen Helm, hat auff der brust ain Rist hackhen, und wider hacken, darin man die stang fiert, mit einem krenlin, und ainer grossen schweb scheiben, die den halben arm bedeckht, hatt auch ain schiltt auff der lincken seitten darein man Treffen thuott, Der man sitzt auff ainem stech settelin, oder kissellin, das Roß ist getziert mit ainer stech deckhin, hatt dar under ain grossen stroen bausch, vornen an der brust, under der deckin, gett biß ann stattell bogen, Das Roß ist auch geblendt, unnd gedert, unnd mit ainer stellenn stirna, wieß die vorstende figur auß weist.
