Wiktenauer logo.png

Page:La noble science des ioueurs d'espee (Andre Paurenfeyndt) 1538.pdf/71

From Wiktenauer
Jump to navigation Jump to search
This page contains changes which are not marked for translation.

This page needs to be proofread.

La maniere pour loder a tout la demy lance, lequel est loccasion ou source de jouer a tout les lances ou spikes, hallebardes, guysarmes, et aultres semblables

Pieche

Quant vous entrez par deseur de la droicte main sur son baston, ruez luy la poincte sur la poictrine, ou traveillez oultre lestoc envers la droicte espaulle, sil tourne cela, frappesle dessoubz en son droict coste a cout laultre debout de lestoc, ou entrez par dehors a son baston, & le frappez arriere la droicte main.

Pieche

Quant vous entrez par deseur a tout quelle main quil soic tenez la main devant tout coy:& tirez lestoc a tout laultre, gardez de la main devant, & luy boutez sur la poictrine daultre debout

Pieche

Quant vous lentrez par deseur demourez a tout le mesme de bout a son estocq & a tout laultre debout, luy courez dessoubz a son braz, et le levez par force et le courez tout parmi ou passelle oultre et ruelle oultre vos gambes.

Rompure

Quant aulcun vous faict cela comme dessuz, ruez vostre debout oultre son estocq, & puis luy frappez laultre debout sur sa teste.

Pieche

Si aulcun enlyant entre deseur au visaige a tout demy estocq, prenez son deseur a tout vostre debaz debout envoye de la main, marchez & frappez;aisi reviendrez a loeuvre sans dommaige

Rompure

Quant aulcun prent vostre debout, laissez le debout deseur tomber en son visaige & avallez la commenchee defence, sil reboure, tournez iuz du visaige quant si le donne & mect pour defendre.