Pieche
Mectez vostre defence lestocq devant vous ac?rre (aterre ?) a tout long de bout et laultre devant vostre visaige. Si aulcun boute apres vous tournez luy son estocq outlre la main a toutle vostre estocq, dont vous le descouvrez, lors marchez devers luy et boutez hardiment apres son visaige.
¶ Rompure
Quant aulcun tourne ton estocq dehors,allez arriere hors son coup et le ruez oultre lateste, ainsi gaingnerez ung fort coup a tout la defence.
¶ Pieche
Si aulcun frappe apres vos pieds ou genoulx, ruez vostre estocq a tout le debout,sur vostre senestre coste, & entrez a tout laultre debout sur la terre contre son coup trainant, et saillez a tout le droict pied deriere le sien senestre:
¶ Pieche
Boutesle par dedens apres le visaige, sil tourne cela, tirez & boutez apres laultre coste sil deffende aussi cela, et tourne le coup iuz, entrez a tout laultre debout oultre la dextre espaule entour le col & saillez a tout le droict pied devant le sien senestre, & le ruz la oultre.
¶ Rompure
Quant aulcun vous entre a tout son estocq, prenez son droict braz a tout vostre main gauche, & tournez vous de luy sur vostre dextre coste & ruesle oultre voz senestres cuysses.
