Wiktenauer logo.png

Page:La noble science des ioueurs d'espee (Andre Paurenfeyndt) 1538.pdf/75

From Wiktenauer
Jump to navigation Jump to search
This page contains changes which are not marked for translation.

This page needs to be proofread.

Mectez vous a tout le senestre pled devant lestocq au visaige pour bouter,offrez luy lecoup & prendes le ariere entrez a tout vostre main droicte oultre lestocq, & frappez a main traverse, et le marchez bien dedens, ainsi aurez une defence en le tirant iuz, a tout lequel vous pouez ouvrer.

Rompure

Quant aulcun vous frappe oultre la main, prenez le train a tout nulle defence il faille lefforce, et il se desceure tout nud a son dommaige

A tout demy estocq

Mectez vostre pied dextre devant, lestocq poingnie au moyen a cout deux mains. Si aulcun vous mect au visaige a force, cela prenez a tout le derier debout den hault, ainsi gaingnez pour franchement bouter et frapper

Rompure

Quant aulcun vous entre a tout le demy estocq & vous frappe entour les oreilles, retirez vous iuz & luy mettez au visaige a force, & il ne viendra point de vous sans dommaige.

Piece

Si aulcun boute de dessoubz apres vous, ne vous defendez pas, mais mectez luy au visaige.

Rompure

Si aulcun vous mect au visaige, boutez semblablement avecq luy, et prenez bien garde a son senestre braz.