gesetzt So stoß In mit dem fus auff das selbig knye So prichstu Ime den fus
Item dw magst In auch mit dem knye oder mit dem fus zw dem gemecht stossenn wen es dir Ebenn Ist Oder sich dich fur das er dich bey dem fus begreifft
Item wen er nach dir greifft mit offen henden oder mit gerackten vingern So wart ob dw Im ein vinger begreiffenn ma[g]st vnd prich Im den vbersich vnd fur In da mit In den K[r]eiß auch gewinstu In damit die seytten an vnd sunst vil groß vorteill
Das ist der text vor [!] einer lere
Item aller lere
denn ortt gegen der Bloß kere
Glosa merck das Ist das du mit allen treuen weren die zw dem kamppff keren alweg mit dem ortt zw denn plosen Stechenn soltt die dir vorgenant sein vnd sust nit oder es pringt dir schaden
Das Ist der text wie man soll vechten mit dem Schwertt gegen dem Schwertt
Wo man von scheyden
zw schwertt zuckenn sicht vonn Ir beyden
so sol man streckenn
die schutten rechte eben mercken
Glosa Das ist ob wir beyde die Sper verschossenn habend vnd wollen vechten mit den Schwerten So soltu vor allen dingen wissenn die vier huten mit dem kurtzen Schwert vnd darauß stich Im alwegenn zw den obern bloeß Sticht er den mit dir gleich ein oder bind dir an das Schwert so soltu zw hand merckenn ob er hert oder weich am
