zw paider seytten so velt er
Item wiltu In nit werffenn wen dw In mit der linken hand den elnbogenn Begriffenn hast So begreiff sein Schwertt bey dem knopff mit der Rechten hand vnd zeuch es zw dir mit der linken hand stoß Im den elnbogenn von dir so nimstu Im das Schwertt
Item darumb Spricht die dritt figur mit streiffen satel oder nym Im die wer
Item oder nim Im das sunnen zeigenn
Item greifft er dir mit der Rechten hand vnder deiner linken durch nach dem zawm
Item wert er dir mit der Rechten hand vor an die Brust oder an den hals So begreiff In bey der hanndt mit deiner Rechten vnd thw Im den vngenanten griff oder went dein Roß vonn Im so velt er
Item wen dw mit deiner rechten die sein begriffen hast So nim das gewicht mit der linken handt bey dem elnbogenn Auch magstu den verborgenn griff mit nemen ob dw wilt
Item wiltu die Stuck treibenn wen dw gleich mit Im einherreitest zw seiner rechten seyttenn
Item ob dw mit der linken seytten nit magst an In komen wen Ir gefelt habt mit der gleuen so reitt an In mit der rechten seiten vnd wurff In mit der sunnen zeigenn
Item wolt er sein Schwertt ziehen so var Im mit deiner rechten hand oder arm durch sein Rechten vnd truck In vast zw dir vnd wend dein Roß von Im so velt er
Item hat er dan sein Schwert gezogenn vnd will Schlagenn so nim den Schoß [!] griff vnd wen dw Im den Schoß griff thust So prich Im sein rechten arm vber dein Rechte mit deiner linken handt
Item wen dw begreiffest sein linke Rechte handt mit deiner linkenn So truck die fur dein Brust vnd wend dein Roß von Ime so velt er
Item darumb Spricht die ander figur vmb ker mit deim Roß zeuch sein Rechte hand mit deiner linkenn
Item wen dw Im sein hand begriffen hast als vor So leg dich mit der Brust vast auff seinen arm
