¶ Glosa / Hie merke vnd wisse / das of dem ganczen / swerte / keyn haw / als redlich · zo heftik · zo vertik · vnd zo gut ist als der twerhaw · Vnd der get dar / zam dy twer · czu beyden seiten · mit beiden sneiden / der hindern vnd der vördern / czu allen blossen / vnden vnde oben · Vnd alles das von dem tage dar kumpt / das sint dy öbern hewe / ader was söst von oben neder gehet / das bricht vnd / weret eyner / mit den twer hewen / der dy wol kan dar brengen / ader das swert wol vörwirft / dy twer vor / das hawpt / czu weler seiten her wil / recht zam her in dy obern hengen ader winden wolle komen / Nür das eyner in den twerhewen / dy flechen des swertes / eyne oben ader of / dy ander vnden ader neder kert · vnd dy sneiden / czu den syten / dy twer / eyne / czu der rechten / vnd eyne czu der linken / seiten · Vnd mit den selben twerhewen / ist gar gut eyme an das swert czu komen / vnd wen den eyner eyme an das swert kumpt / wy das nür dar komen ist / zo mag iener mülich von im komen / her wirt von desem geslagen · czu beiden seiten mit den twerhewen / den wy her eynen twerhaw nür dar brengt / czu weler seiten is ist / vnden ader oben / zo get im io das swert oben / mit dem gehilcze / mit vorworfner / hant · vor deme hewpte / das her io wol bewart vnd bedekt ist · Vnd eyner sal dy twerhewe / eczwas mit / sterke dar brengen /
;· ¶ Vnd wen eyner üm synen hals sölde fechten · So solde her schaffen / mit her der vorgeschreben
