Item wan du wylt ringen, so reyt dem man zu der rechten seyten und greyff in an mit ryngen; greyfft er dych wyder an, so begreiff mit der lyncken hant seyn rechten arm hynter seyner rechten hant und zeich den arm vor dych, und far mit dem rechten arm uber und drugk damit nyder und begreyff damit den satelbogen und reyt vor dych, so mus er vallen, und wis, das du mit dem ryngen prychest alle ryngen, damit man dych forn anfellet, darinn sprycht die 13 fygur
figura ruberca
Der schoff weret alle gryff ringen und
Item auch magestu in treyben, wan du zu seyner lyncken seyten zu reytest, wen er sych wyl weren mit der lyncken hant
Wer dich angefellet
wider reyten, der wirt gfellet
hangens gen der erden,
uber greyff in recht mit geberden
Item das ist eyn schlechtes ryngen reytt dyr eyner zu der rechten seyten und fert dyr mit seynem rechten arm umb dein hals, far im also umb den seynen, halt in vast hynten bey kragen oder was er an hat, und hengk dych nider auff dy lyncke seyten, als du von dem ros fallen wellest, und zeych in also nach dyr von dem ros, hastu dych zu ser nyder gehangen, das dych duncket, du must auch vallen, do halt in vast, so zeycht er dych wyder in den satel mit seynem fallen etc
