sonderlich gegenn die, welche der zuckenn bericht seindt, wo aber einer zorniglich auf dig dringt seindt solche stuck guth unnd gont wol an.
Item du magst dich auch in der eil in Ochsenn schickenn unnd von dannen abwenden durch das verhengenn merck aber, das du behendiglich zu ihm oder under seiner wehr solt eilenn, dan ihe mehr er luft hat in der weite von dir ie weniger du in abgewinnest, so er dir aber so entsprung und sticht, so haw mit einem schlimmen Zornhaw sein stich wegk, schlecht er so spring in auß dem streich zu ihm.
Vonn der kappenn.
Merck wan dich einer ubereilenn wolt so wuckel dein kappen umb dein Arm, hawt er obenn zu deim Kopf, so fach sein streich auff dein kappenn und stich indes gleich mit vonn unden zu seim bauch, oder so du ihn nit stechen wilt, so hawe in durch sein fieß, hawt er aber vonn unden, so fal mit
