Stich[1] in auß dem Pflug ubersich zum gesicht, das muß er wehren haw indes behend ein underhaw von deiner rechten durch sein lincken und stich in uber die handt zum gesicht. ¶
Item begegnet dir einer in der Eissenport und last dich anbinden so stich in ahn seiner wehr ubersich zum gesicht in einem einlauffen indes laß dein wehr neben deiner lincken umblauffen und greyff mit der lincken handt in die mitt deiner klingen und stich ihm zum bauch
Stich wechslen und mutiren.
Sthestu in der eyssenport und dein gegenpart auch, so stich in auswendig uber sein rechten arm uber dein handt hinein, unnd Im stich heb dein hefft wol in die hehe, als baldt er dem stich noch wuscht zu wehren, so laß dein spitz undersich sincken uber deiner handt und stich behend under deim arm zum hufft, werth er aber so stich in wider uber den arm zum gesicht Also verkher den ober stich in understich, und magst ein haw ein wechslen
wan du wilt. ¶
- ↑ Correction done on sticht by canceling the last letter.
