streich so ereilestu in eche dan er sein streich volpringt die arbeit ist fast gut gegenn denenn die weitt vmb sich hawenn ⁋
Vmschnappenn
Merck wann dier einer ann dein schwert hatt bunden, vnnd hart im bandt ist so las dein schwert leiß vndersich sincken vnnd heb Indes dein bindt übersich vnd schnapp behend vmb zur andern plöß ⁋
Ablauffenn ⁋
Ablaufen ist wann ich auf einer seiten oder mehr las ablaufen ist an im selbst verstendlich ⁋
Dopliernn
Doplierenn ist wan einer zwifach in einander last ablauffen, vnnd also dopelt. Ittem ein haw zwijfachenn oder doplenn, also im zugang hawe ich von meiner rechten zu sein Lincken ochr, als baldt es glietz nim ich es wider ab, gegen meiner rehtenn vnd schlage als baldt mit inwendiger halbenn durch deß schnappenn wider hinein ⁋
Verfierenn
Das ist wann du im einer plöß zu siehest vnd thust als woltest dachin schlagen, thust es aber nit, sonnder schlechst anderst wo hin daß ist der ander schieler mit dem gesicht. Ittem dj Fechter dj gern absezen abschneiden ⁋ denen soll man mit verfelen, verfliegen zürckel Rinde so behendiglich arbeitten daß er nit weiß wo hinaus, oder sich verfelt ⁋
