Ittem sticht dür einer zu so thrit mit dem lincken wol vff sein Rechten aus, vnnd nim Indes mit der lincken schneiden von oben nider zwischen dir vnd im gegen deiner Rechten beseitz aus thrit vnd stich im ober halb dem wechr zu seiner brust oder hew ein vnder seiner wechr zum fuoß ⁋
Wann du also im ochsenn stehest sticht einer auff dich zu deiner Linckenn, so sprinng auß seim stich auff sein Lincke seitten vnd stich gleich mit Im hienein, Im stich wennde die lanng schneide, gegenn seiner wechr übersich auff deinn Lincken seüttenn als baldt Er sein wechr abzuckt so hawet mit kurtzer schneidt vonn vnndenn durch seinn rechte, vnd stich Im deim hertz stich ⁋
Ittem stich dür Einer zum gesicht oder brust so nim mit halber schneidt vonn deiner rechttenn vonn obenn zwüschenn dür vnnd Im auß auff deinn Linncke seittenn, das die spietz Im nemenn vnndersich zur Endenn
