Pflug
Zum Ersten sticht einer auff dich, so far vnnden durch, vnd wend im den stich ab von deiner Lincken auff dein Rechten vnd thrit mit dem Lincken woll auff sein Rechten vnd mit dem Rechten zu im vnd stich ausen über seiner wechr hinein ⁋
Merck wan dür einer oben zu sticht so wend dein gefes vbersich inn Lincken Ochsen, setz im also sein stich übersich ab als baldt es glitz, so stich Im inwenndig zum gesicht Indes las dein entgegen der enden sincken, vnd las deinn kling neben deiner lincken durch lauff stich über dj handt zum gesicht zuck dein gefes übersich, das dein kling neben deiner rechten ablauff vnd haw auswendig von deiner Lincken durch sein recht achsel so stehst im rechten wehsel ⁋
