Item ringestu mit einem gleichgefast, so schaw das dem beidt arm vnden khommen vnd begreiff ihn bey der mitt, vnd heb ihn von der erden vnd schlag mit einem fuß ahn sein, vnd hülff dir zur andern seitten, so felt er. ⁋
Item so dich einer vmb den leib ahn halt, vnd wil dich heben vnd werffen so setz ihm ein knie zwischen sein beide bein, hart ahn, so mag er dich nit geheben, vnd hab acht, als baldt er dich hebt, vnd vff welche seitten er dich hebt, so hilff ihm vff die ander.
Merck felt dir einer vnden ahn dein bein dich zu werffen so fal ihm mit dem leib vff sein vnd fang ihn mit der Lincken vmb den hals, vnd truck ahn dich, vnd mitt der Rechten handt wart deines vortheils. ⁋
Merck wan dich einer ergreifft bey deinen Achslen oder Armen, so so36 schlag mit beiden henden von vnden auff, vnd thren ihm die Armen, vnd fal ihm ihn die bein vnd zuck ahn dich. ⁋
