Item merck ihn was Ringen dich einer angreiffen wilt so schaw, In dem er dich angreifft, so thu dein feist hart zu vnd stel die In die seitten, oder an beide seitten brust, vnd stos mit den Ellenbogen von dir vmb dich so schwingest dich ledig, greiff ihn behendt ahn, nach dein vortheil. ⁋
Merck so du einem In der eil ergreiffest bey der hand, so ruck In zu dir, vnd fahr ihm mit der andern handt vmb den hals das dein handt wider vmb an dem brust kum, vnd faß dein kleidt, zwing ihn hardt zu dir, so hastu ihn gefangen zum wurf. ⁋
Item ergreifestu ein bey seiner rechten hand, schwing In auff vnd geh vnder seim arm durch, vnd dhrit mit deim Rechten zwischen sein beide bein, vnd greiff mit deiner Rechten handt vssen vmb sein bein, Zihe sein Rechten arm wol zu dir vber deiner Achstel, vnd heb vbersich vnd wirff In nach deim gefallen. ⁋
