Deiner Linnckenn wie denn Erstenn durch, Denn füerttenn auch wüder vonn der Rechtenn vonn vnndenn mit dem blatt wie den andern vnnd also fortann wie viel hew du wilt magstu durch das kreutz von vnndenn, oder wie im Ersten von obenn threiben nach deiner gelegenheit vnnd merck, das alweg der Rüß mit dem hackenn vonn der rechten Ein nemer vnnd der haw vonn der Linckenn ein threffer Ist, so du aber die recht hanndt vor füerest, so kumpt der Rüß vonn der Linnckenn vnnd der hew von der rechten ⁋
Weütter stanndt mit dem limckenn[!] vor, vnnd hawe den vnnder haw vonn deiner Linckenn mit dem blatt dz du in rechten Ochsen kumest von danen Reis wüder vndersich über dein Linck bein also magstu denn Ris vnnd haw vonn vnnden vnnd von obenn über deinn Linnckenn schennckell zu samenn threiben büs du dein fortheill Ersichest ⁋
