Item ein bruch wider ober vnd vnter zwerch schleg
wan du eynen hast angebunden an sin schwertt mit eynen ober haulb vnd schlech vmb die zwierch oben oder vnten so plieb mit dem gehultz vor dinem hauptt vnd verwind alweg din schwertt vnd stich im mit dem ortt zu der nesten ploß so gat von beyden siten zů ~
Item wan dir eyner an bind mit eynem fryhen ober haulb vnd hautt den vnter zwierch haulb zu diner rechten siten so blÿ also stan vnd leg im die kurtz schnid an den hals
¶ zwerch mit der sterck ~
Zwerch mit der sterck
dim arbeÿtt do mit merck
Merck dz ist wenn du im mit der zwier zu haulbest dz soltu thün mit sterck versetz er dan so far vff mit der sterck dines schwertz noch der schwech sines schwertz begriffstu den mit der sterck sine schwech so arbeÿtt mit dem müttiern ym vber sin schwertt zu der vntern ploß oder oben In dem hals magstu dar zu nit kümen so arbeit vsß dem duppliren hinder sin schwertt mit dem schlag zu dem koppff ~
