Merck disse vier leger dz sint die vier hutt do du vß vechten solt die erst hut heist der ochß
Item in den ochsen schick dich also ste mit dem lincken fus fur vnd halt din schwertt zu diner rechten siten mit dem gehultz fur dz haupt dz die kurtz schnid gegen dir sten vnd halt im den ortt also gegem dem gesichtt ~
Item zu der lincken siten schick dich also in den ochsen sto mit dem rechten fus vor vnd halt din schwertt zu diner lincken siten mit dem gehultz fur dz haupt dz die lang schnid gegen dir ste vnd halt im den ortt also gegen dem gesichtt dz ist der ochß von beiden sÿtenn ~
Item die ander hůtt die heist der pflug do schick dich also setz den lincken fus vor vnd halt din schwertt mit gekrutzten henden vnter sich zu diner rechten siten mit dem knopff neben diner rechten hueff dz die kurtz schnid oben sÿ vnd der ort fursich auff sten dem man gegem dem gesichtt ~
Item zu der lincken siten schick dich also in den pflug setz den rechten fus vor vnd halt din schwert neben diner rechten lincken siten vntter sich zů
