vnd wie du gegen sinen stichen vechten solt dz vindestu in den ab setzen geschriben ~
¶ ab dir versetzett ist
Ab dir versetzet ist
Merck wie er dar kümen ist
Hore wz ich roett
Reisß ab schnell haulb mit droett
Merck dz ist wem er dir versetzet hatt vnd will sich vom schwertt nit abzychen vnd meÿnet er woll dich zu keynen stuck lossen kümen So thun als du dich vom schwertt ab zyhen wollest vnd zuck din schwertt an dich biß zu halber klingen vnd far do mit dem schwer balde vff vnd haulb im schnell mit der kurtzen schniden oder mit dem duppliren zu dem kopff ~
Item eyn anders
wen er dir versetzet hatt so rieß mit dinem schwertt an siner schwert clingen vbersich vff gegen sinem ortt als du im oben wollest ab nemen so blyb am schwertt vnd haulb im schlecht an der klingen wider yn zu dem kopff ~
