Ruest zu der sterck
din arbeit do mit merck
|Hie saget der meinster wan dü mit dem entruesch haulb zu haulbest daß soltu thun mit sterck dineß messers versetz er dan |So far vff mit der sterck dineß messers noch der schwech sines messers |So du begriffest mit der sterck sin schwech |So soltu mütiren Im vber sin messer zu der anderen zynnen oben zu dem hals |Aber so dü nit dar zü kümen magst |So arbeit vß dem duppliren hinder sins messers clingen vnd schlag im zu dem kopff Ist er aber mit der versatzung so starck dz du zu dem stueck nit kümen magst |So arbeit mit dem crutz oder mit dem werenagell |Stoß sin messer do mit hÿn wegck vnd schlag in mit dem entruscht haulb zu der anderen zÿnnen ~
Sequitur Feler verfurett
Feler verfueret
die zinnen noch wünsch er rürett
|Hie saget der meinster wie man mit dem entrusch haulb fellent sol wan mit dem feller werdent die meinster sere gepluet die do nuer versetzen willentt
