Wiktenauer logo.png

Page:MS M.I.29 058v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

|Item die vier hut heyßt der eber in die schick dich also |Setz din lincken fus vor vnd halt din messer bÿ dem rechten beyn vff der rechten syten mit dem gehultz nebent der huefft dz die stümpff schnid oben ste vnd der ortt for sich vff ste dem man zu dem gesichtt ~

|Item du magst die hutt vß der lincken siten auch triben mit dem messer Vnd schick dich also halt din messer nebent diner lincken syten vnttersich vff nebend diner lincken huefft dz die lang schnid oben gewind sy vnd der ortt vbersich ste dem man zu den aügen oder gesichtt

Sequitur die versetzen soltu mynnen

Die versetzen soltu mynnen
Wiltu die leger bezwingen
Vor versetzen dich huett
Versetzen dick den man muett

|Hie saget der meinster von dem achsten stueck dz sintt die vier versetzen die selbigen die brechen