Item wiltu dz ander stuck machen So loß din lincken arm fallen hangen vff din brust so stoß mit diner lincken achseln vnd truck mit der rechten hant sin rechte arm vast vber din bruest vnd spring strack vff din rechten siten
Item laüfft dir eyner In vnd ist hoch mit dem arm So lauff aüch starck vff in dz die hend zu samen rüren vnd dring hoch vber h sich mit dem indes loß din messer fallen vnd far vnttersich mit den armen vnd begriff do mit sin peÿden henden beÿn in die geleng ob der knue buege vnd heb in vff die achsell diner rechten oder limcken [!] siten vnd wurff in vber rueck vff den kopff
ein anders
Item laufft dir eyner In zu diner rechten syten so begriff sin rechten hant mit diner lincken verkerten hant indes schrit mit dinem rechten fus wol vff syn rechten vnd far mit diner linckent hant hant vnder din rechten elnbogen vßwendig vber sin arm mit der rechten hant vnd zueck mit beÿden henden sin rechten arm vff din brust vnd zwing dich starck vff din lincken siten vnd schrit mit dinem rechten fus fur sinen rechten vnd wuerff in vber din rechtes beyn ~ Sequitur texus
Sequitur nÿmpt er dz gewichtt
