Wiktenauer logo.png

Page:MS M.I.29 101v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

|Item ist er aber starck dz du in nit nider rissen kanst mit dem gehultz oder dz er mit siner rechten hant siner lincken zu hillff kümpt Indes griff auch mit diner lincken In daß pindt diner rechten zu hilf vnd riß starck vntersich vff din lincke siten vnd schlag in durch den kopff

alliud

|Item hat er dir begriffen die rechten hant mit diner rechten so riß aber mit dem gehultz vntersich vnd thun als vor oder wind din messer vff din lincke siten mit gesenctem ort vnd riß do mit starck vff din lincke siten ~

|Item disse stuck gehoren zu triben so er sin mesß fallen loßt vnd dir in din hant velt oder arm mit siner rechten hant

Sequitur die rigell merck

Die rigel merck
Begrifft er hant arm sterck
Arbeit schnell bis besünen
Zu stuecken mag er hart kümen