Wiktenauer logo.png

Page:MS M.I.29 104r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

vßwendig vnd er felt dir widier vber din hant auch also vnd er grifft mit siner lincken hant an din messer hinden an dz gehultz vnd riß mit diner rechten hant starck vff sin lincke siten vnd nÿmpt dir also din messer Indes so leg din rechtt hant vor vnter sin rechte hant so du dan entspfindest dz du din messer nit merere magst behalten mit diner rechten hant so fall mit diner lincken hant in sins messers klingen nohent by der hant hab vnd druck mit diner rechten hant sin gehultz gegem Im vnd riß mit diner lincken hant sines messers klingen starck vff din lincke siten so nÿmbstu im aber sin messer

Sequitur Den elnbogen lere fassen

Den elnbogen lere fassen
Schub linck recht ze der teuschen

|Hie saget der meinster von eynem bruch stuck dz do schmipflich ist zu triben Wiltu dz stuech machen so thun im also so du vff in pindest vff sin lincke syten Indes schlag im zu siner rechten syten vnd im