Wiktenauer logo.png

Page:MS M.I.29 107v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

|Item diß stuck gebrucht zu triben wider die die In lauffen vnd die gern hoch vechten vnd kurtz oder die verwerffen haulb gegem dem man machen vnd auch springen mit verworffen heulben zu dem man also hastu den storcken schnabell gegem wem du dz triben solt dz bestu Itz woll vnderrichtt etc

Sequitur wer dir will ÿn lauffen

Wer dir wil in louffen
Mit ort soltu in gouffen
Zu springen wil er schlahen
Ort ze ruck lere gahen

|Hie lert der meinster eyn stuck wider dz Inlauffen vnd wider die fechter die gern In lauffen |Schick dich gegem Im also leg dich in die hut der pasteÿn vnd wan er dir dan eyn lauffen will so halt din messer mit dem ort fur dich vnd loß in darin lauffen will er dan versetzen den ortt vnd fert noch dim messer so wechsl Indes durch zu der nesten ploß

|Item leg dich in die hut luginßlant wan er dir dan in lauffen will so far hoch vff mit dem arm vnd senck im den ortt in dz gesicht oder vff die bruest vnd schüb In also von dir ~