Wiktenauer logo.png

Page:MS M.I.29 108v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Schlag recht zwiffach los prallen

|Hie saget der meinster von eynen stuck heist des schorpion daß stuck tribe also haulb im von diner achsell zu siner lincken starck in zu dem haupt mit gestracketem arm in eynen ober haulb vnd Indes so du gehaulben hast so loß din kurtz schnid dines messers sencken glich gegem dem haupt die kurtz schnid vntz vff din lincke achsell Indes stich im wider zu dem gesicht siner lincken siten hastu in dan mit troffen mit dem stich so ruck din messer mit dem ort wider gegen dir doch dz der ort gesünck sÿ vff din lincke siten vnd schlag in mit der kurtzen schniden vff sin kopff siner rechten siten Indes wind din gehultz vnder den rechten arm vnd schrit mit dinem lincken fus hinder sinen rechten vnd schlag Im die lang schnid vber sin haupt daß ist der schorpion

Sequitur baßiliscus mit sinen gesicht

Basiliscus mit sinen gesicht
Die meinster macht vergifft
Er vergifft die brust an forcht
Vnd verfortt dz haupt mit schlagenden Ort