Wiktenauer logo.png

Page:MS M.I.29 115v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

sin lincke siten gegen siner ploß vnd winck woll gegen der selbigen daß ist also vil gesprochen als dz du solst noch der ploß griffen ein wenig vnd auch von der selbigen siten schnell dürch gen mit dem messer fur din lip mit gestrecktem ortt vff din lincke siten vnd schlag im noch dem haupt siner rechten oder setz im der ortt zu dem gesichtt

|Item setzestu eynem den ortt also in dz gesicht oder prust vnd er fertt vff mit dem hangenden ort von siner lincken siten an din messer vnd versetz dir Indes wind schnell gegen sinem messer gegen siner lincken siten dz der thüm oben ste vff der flech vnd sentz dz gehultz ein wenig vntter sin messer im zu sinem gesicht Indes wind bald gegen siner rechten siten vnd senck im den ortt vff sin brust oder schlag im mit gesenctem ortt zu sinem rechten oren ~ ~

|Item Windestu im zu dem gesicht mit gesencten ort gehultz dz der thüm vff der felch stet vnd er schlecht dir Indes zu dem haupt Indes wind gegen siner rechten siten dz der thüm vnten ste so ist der sclacg versetz schlecht er dan widerümb zu diner rechten siten so schnid im starck vber sin rechten arm vßwenidig vnd zuech do mit abe

|Item ligst also vff siner rechten siten vnd er auch vff der selbigen als vor Indes winde vnten sinem