Welliches Roß verwelt hat an dem fuß. den soll man dass eysen abprechen. vnnd soll dem pallen auff schlachen. vnd ein werckh mit wasser all tag einlegen. so wirt es auß vnd wirdt gesundt.
Wenn den Rossen das Aytter auß den fuessen auspriecht. so soll man es auß kern. sam der fuß gespalten sey. vnd soll darauff pinden warmen hundsmist. biß es gesund wirt
Welliches Roß das [G]urfay hat. dem soll man honig sieden vnd knoblach. vnnd soll das darauff pinden. so hailt es in drey tagen. ~
Welliches Roß die Gelbsucht hat. so nymb das clar von vier vnd zwanzig Ayre. vnnd solt weyrach darein malen. vnd geuß es dem Roß in das maul. vnd leg jm einen [Rin]gkh[1] an den halß. vnd einen an die prust. so wirt es gesundt.
Welliches Roß Riczig ist. so nym ein halbs pfund paumöl. vnnd well das in einer pfannen. vnd einen vierding köcksilber. vnnd laß es erkalte. vnd geuß es dem Roß jnn die Naßlöcher. so es gestett aiyt[2] tag. vnd darnach so wirdt es gesundtt, ein halbs jar. oder es stirbt sicherlich. ~
Welliches Roß reidig ist. so nymb schwebel vnd grim[s]pann. vnd altes [sc]hmer. vnd stripffen wurzczen. vnd ments[sch]en dreckh. vnd misch das zusamen. vnd salb die Rauden damit. an der sunnen oder in einer haissen stuben. ~ so wirdt es gesundt. ~
Welliches Roß ein painwachs hat. den prenn die haut Auff dem painwachs. biß das es sich Rimpfft.[3] vnd leg darnach
