den als einen finger. oder grösser. vnnd stoß jm den speckh mit dem atrament gepuluert vberal ein, denn so wirdt es wirdig allerding.
Welliches Roß spetig ist. dem thue die hawt auff gespalten mit zway kreuczling mit einem messer. vnd pind darauff seue minczen drey tag. so wirdt es gesundt
Welliches Roß die mauchen hab. die stat prenn senfftiglich mit einem haissen eisen. vnnd darnach stich sy mit einem fliern. vnd leg denn darauff salz vnd rugkin brot. tag vnd nacht. vnd nymb es dann ab. vnd spreng dickh darauff grunspat. so wirt es schier hailen
Welliches Ross die floßgallen hat. vnd leit sy ausserhalb des pains. so durchel sy mit einem gluenden eysen vnd leg zu hand darauff ruckin brot also haiß auß dem Ofen. vnd laß darauff ligen drey nacht vnd tag. vnnd nymb alts schmer vnd grunspat. vnd misch das zesamen. vnd salb es offt damit. so wirdt es gesundt
Welliches Roß hagenhuff ist. so nymb lauters weirah vnd prait das. das es zwayer finger dickh sey. vnd stoß es in ain haiß pech. vnd leg es dem Roß auf den fuß. darnach vber drey tag. so nymb es ab. vnd nymmb kleiben vnd salz gleich. vnd misch damit esich. vnd reib den fuß offt damit. so wirdt es gesundt. ~
Welliches Roß herczschlechtig ist. so nym einen pecher[r] vollen enczians vnd viertail salcz. vnd mach das la[b]
