Item welliches pferd sich juckht an dem zagel vnd reibt sich seer. vnd wirdt furbas reidig. so haw jm den zagel ab vmb zween finger. vnnd enn es wol gepluet hat. so prenn es mit ainem haissen eissen. an der selbigem stat. so juckt es sich nymmer. vnd wirdt gesundt.
Item wenn ein pferdt das aytter oben außpricht. oder vnden zum huff. oder zu der soln. so laß wol vmbsch[uen] das loch. da das Aytter außgeet. so nymb pech vnnd wachs. das vngemiczt sey ains als vil als des andern vnd zerlaß es vnder einander. vnd schlach das auf an Tuchlein. vnd leg es vber das loch. des morgens. vnnd thue es wider herab. so sichstu das es das aitter vasst vberisch hat gezogen. darnach so nym pürklin vnschlit vnd treffs mit ainem haissen eisen darein. das das loch denn vol werdt. vnd beschmir den huff vberall mit der vorigen salb. vnnd thue das offt. vnd darnach so nym [Grischlar?] vnd truck das loch oben vol. vnd tropff das pücks in vunschlit oven darauff vnd mach ein plaster mit der vorigen salb. oben darauff vnnd laß es steen als lang. so hailt es mit ainander selbs auß.
Item wenn ein pferd wasserräch wirdt. so trueffen jm die Naßlöcher. vnd zittern allweg. vertreibs jm also. nym sunterstain glueert. vnd dekch das pferd wol zu mit gute(n) deckhen vnd geuß die wein an den sunterstain vnd pä[c] jn damit. das er wol warm vnd schwiczen werd. vnd darnach seud hewplumen vnd haberstro vnderainand vnnd jn mit dem als er vor mit dem wein hat
