Dit ist tpel metten tashack naer teurcksche' wyse'.
Om vvel te spelen metten bockeler oft tashack die moet alzoo gebruckt vvorden op die torcksche manire hebben~ in u slincke hant eenen bockeler oft rondas ende in u rechte hant een sabel oft cortelas ende Inden Eersten moetdie ghy uvven campion vvel gadeslaen met vvat slach hy u alder eest vvilt vsoecken zoo met een~ treversen oft rechten slach brenckt hy u eenen rechten slach naer u hoeft zoo motdie ghy dien alzoo vsetten met uvven rechten vout vore en~ met uvven sabel oft dashach in u hant metten snede om huoghe voer u, die hy Om hem synen slach die op u ansicht oft hooft zoude commen alzoo te benemen maer den treverschen slach motdie ghy met uvven schilt of bockelaer versetten ende met uvven rechten vout vvat achtervvaers treden en~ dan mochdie ghy uvven campion oick eens Int selve spel vsoeken dit es die teurcksche ghyse vvantmen in dit spel anders niet sij can gevvysen.
Hier naer sietmen het spel met Den Rappier en bouckelet uÿt rysen :~
Die metten Rappier en bouckelet vvilt vvel spelen Die moet hier vvel op mercken vvant vvort hem eenen slach oft gebracht van boven die moet hy al metten bouckelt versetten en zijnen campion Intredn met eenen steck van onder en~ oft nu geviel dat uvven campion u vvilden eenen slach met zijn rappier onder naer u beenen slaen die moetdie ghy oick met u rappier vsetten ende hauvven altyt u bockelet omhuoghe en~ merckt altyt vvel op hem oft hy u noch icht anders vvilden aenbrenghen tsy Int~ vallen oft andersins en~ ghy en sult niet falen etc.
