You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/218"
Page status | Page status | ||
- | + | Not proofread |
Revision as of 03:24, 6 May 2021
JTem versetzt jhm seinen steich mit Langer schneide wie vor / vnnd in dem es rieret / so zucke deinen Dusacken wider gegen deiner Rechten zu rucke vmb deiné Kopff / trit vnd stich jm außwendig vber seinen Rechten arm zum Gesicht / zuck behend wider vñ hauwe jm vornen auch zum Gesicht.
Jtem stehestu in offtgemelter versatzung / vnd dein gegenfechtr hauwet dir außwendig zu der Rechten / so versetze jm seinen Hauw mit Langer schneide / vnd hauwe als bald ein Vnder od Mittelhauw / von deiner Rechten gegen seiner Lincken durch sein Gesicht / solché Hauw thue so starck / also das dein Dusacken in solché Windt zweymal oberhalb deinem Kopff vmblauffe / zu jeder seité einmal / welchem vmblauffen du jn jrre machest / auff das er verfúhrt werde / vnd hauwe als dañ kreutzweiß nach.
Wie du jhm seine Háuw absetzen / einhencken / vnd vbersich durch sein Gesicht ziehen solt.
JTem stehestu vor deinem Mañin gerader Versatzung / vñ er hauwet dir außwendig gegen deiner Rechté / in dem er herhauwet / so tritt mit deiné lincken Fůß behend gegen seiner Rechten auß seinem Streich / vnd wende vnder deß die Lange schneide gegen seinem Hauwe / zugleich in der Versatzung fahre auff mit deinem gehültz / vnd scheibe jm den Ort an sein Dnsacken aussen vber seinen rechten Arm in sein Gesicht / vnd hecke jm deinen Dusacken in eylauffen vber seinen rechté Arm vor seiner Brust hinein / tritt zugleich mit sochem einhencken ferner auff sein rechte Seiten / zeuch jhm dein Lange schneide wider vberssich gegen deiner Lincken durch sein Gesicht / als dann hauw bald mit dem Kreutz wider Lang von dir.
Ein gůt stuck wie du auß gerader Versatzung absetzen / außtretten / vnd durch sein Gesicht schneiden solt.
ODer stehestu in obgemelter Versatzung / vnnd er hauwet oder schnelt dir außwendig zu deinem Rechten Arm / so tritt (dieweil er schlecht) wol gegen seiner Rechten / vnd wende jhm seinen Hauw mit deiner Langen schneiden in einem abtrit / wol ab von dir gegen deiner Rechten / von dannen zeuhe jhm die