Page:Discours de la théorie de la pratique et de l’excellence des armes (André des Bordes) 1610.pdf/29

exercer les soldatz, tant pour les aguerrir, que pour en donner le plaisir a quelque Prince qui les visite, tant par quelque combat de barrier qui luy pourroit estre commandé, que par quelque autre exercice digne de sa profession. Ce seroit une honte au soldat de payer d’excuse le commandement de son Capitaine, & demeurer comme une statue, pour ne s’estre adonné aux exercices de sa vacation, auroit il bien l’assurance de dire qu’il ne scait manier la halebarde, qu’il n’en a point pris de leçon, puis qu’a la guerre il s’en faut servir a la garde d’une porte, & d’un passage estroit, ou l’on ne se peut servir de la picque, n’y d’autres armes, si donc le soldat ne la scait manier, & qu’il soit attaqué avec une espee a deux mains, on luy fera perdre sa posture, Au contraire s’il scait manier la halebarde, il s’en deffendra, & de la picque mesme parce que la halebarde est plus agile pour parer, comme je feray voir en son lieu avec tant de facilité que vous serez contrains