Voicy les observances que j’entends qu’on enseigne aux escoliers. Qu’ilz marchent pas a pas, tant en avant qu’en arriere, avec les armes aux poings, traversans seul le droit & le gauche, l’exerçant a faire les7 pas sur la ligne qui traverse le cercle.
'DU TEMPS
Chap. 4
Puis qu'en toutes autres sciences les maistres observent un ordre, j’en veux icy observer un, encore que je ne vueille faire ceste profession, voilà pourquoy je diray que cest du temps, du demy temps, & du contre-temps.
Le temps, est lorsque venant au combat ton ennemy te tire un coup de droit, ou de revers & qu’en levant le bras pour te frapper il te donne le temps de luy porter.
Le demy temps, est quand on frappe de pointe, ou de taille a mesme temps que l’on pare & s’appelle a ceste occasion demy-temps pour ce que cest a demie espee.
