ou bien tu t’en yras avec ton espee couvrir la sienne du dehors afin qu’il la meuve, & qu’en la mouvant il te donne la commodité de le frapper, encor tu luy peus porter dessus son pougnart, pour le faire parer, & ce pendant tu t’apreteras pour luy donner en l’estomac.
Chap. 5
La quarte & derniere des quatre, nostre principale garde, la meilleure, & la plus comode qui soit pour frapper & pour parer, cest qu’estant en quarte pour assaillir ton ennemy en premiere, tu l’yras trouver du dehors en croix, afin que tu le contraignes de caver son espee de quarte basse, alors tu abaisseras ton pougnart de quarte, allant en seconde, & de ceste garde tu le frapperas comme la plus commode & plus utile, encor que tu peux faire une feinte du dehors, & tirer a son costé droict, & puis luy donner d’une
