Page:Gründtliche Beschreibung der Kunst des Fechtens (Joachim Meÿer) 1570.pdf/231

mit dé Oberhauw / vnd in dem solcher Haw rieret / so wene die Lang schneid mit dem Band nach auff seiné Dusacké bleibent einweders vndersich od vbersich gegen od durch sein Gesicht / wie du an den kleiné Bossen in der Figur dl P. verzeichnet / zur rechten Hand sehen kanst / damit treibestu jn vbersich / darum hawe jm dieweil er auffehrt / vberzwerch durch sein Arme / wie du aber ab / vnd gegen schneiden solt / hastu hieriñen an erlichen orten dein Hauw an den seinen rieret / so trit vnd des behend zur seiten auß / gegen Lincken / vñ ziche jm die Lange schneide von seinem Dusacken ab gegen deiner Rechten durch sein Gesicht / eiler er aber vnd des deiner Blósse zu / so schneid bald widerum gegen seiner Wehr / fehret er aber seinem Dusacken nach / so fahre behend vnden durch wie im durch wechseln volget.

Vom durchwechsel aber merck dise Regel also / hauwet einer von seiner Rechten auff dich / so hauwe auch von deiner Rechten gegé dem seinen / vñ in dem die Háuw eben zusamen treffen sollen / so fahr vnd seinem Dusacken durch / gegen der andern seiten / mit einem weiten außtrit / vnd wirff jm deine klingen außwendig seines rechten Arms zum Kopff / rc. Oder wo er nicht hauwé will / so hauwe abermals mit ernsthafften geberden jme gegen einer Blóß zu / vñ merck fleissig als bald er mit seinem Dusacken herfehret / deinen Hauw zuempfangen / so laß nicht antreffen / sonder in dem es eben jetzt rieren sol / so fahr vnder seinem Dusacken durch / vnd sencke jm deinen ort aussen vber seiné rechten Arm zum gesicht / wehreter dir solches vñ weiset den stoß von jm ab / so ziehe jm die lang schneid inwendig seines rechté Arms vbersich durch sein Gesicht / vnd hauwe behend von deiner Rechten wider dargegen / wo dir aber vnd des notwendig zuuersetzen fürfallen wurden / soltu dich daran nichts hindern lassen.

Jtem steht dein gegenpart vor dir im schnit / so hauwe von deiner Rechten gegen seiner Lincken / vñ in dem es jetzt eben antreffen soll / trit wol auff sein rechte Seiten / vnd fahre gleich mit deinem Dusacken vnden durch / vñ stich jm außwendig seines rechten Arms abermals zu seinem Gesicht / weret er das / vñ feret vbersich / so fahre aussen vmb seinen Arm / wider mit dem ort vnderhalb desselbigen an sein rechte Brust / wehret er solches abermal vnd fehret vndersich / so fúhre den ort widerumb von aussen vmb seinen rechté Arm vnd stich jm wider von Oben aussen vber denselbigen zum Gesicht / auff solche weiß soltu alwegen mit deinem Ort vmb deinen Arm fahren / auff das du jetzt vnderhalb bald Oberhalb seinem Dusacken / mit deinem ort an seinem Leib seyest.