Wiktenauer logo.png

Page:Cod.10825 183r.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.


Ein Schnit gegen ainem Reissenn.

Item halt dich also mit disem stuck, Wann Ir zusamen gond, stand mit deinem rechten fuß vor, vnnd halt dein Sichel in deiner rechten hand gegen dem Mann, dein lingke auff deiner lingken hüff, In dem trit mit deinem lingken schenckel hinnach, vnd schneid Im mit deiner Sichel nach seinem haubt, Schneidt er dir also oben zu, vnd du auch mit deinem rechten fuß gegen In steest, vnd heltst dein Sichel in deiner rechten hand gegen dem Mann, dein lingge auff deiner linggen hüff, so nimb Im das ab auff dein rechte seiten, Inn dem setz Im mit deiner Sichel auff sein rechten arm, Reiß damit behend zu dir, Hat er Dir also angesetzt, vnd begert dich zureissen, so fall Im mit deiner lingken hand in sein rechte, nimb Im das damit ab auf dein rechte seitten, vnd schneid Im in des behend nach seinem haubt seiner linggen seitten, trit damit zurugk, Ist er also zurugk tretten, so raiß Im behendt nach, vnd schneid Im mit deiner Sichel nach seiner rechte~ hand,