Wiktenauer logo.png

Page:Cod.10825 185v.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.


Zwen ober schnit gegen Iren abnemen.

Item wann Ir zusamen gond, so halt dich also mit disem stuck, Stand mit deinem linggen fuß vor, vnnd halt dein Sichel mit deiner rechte~ hand in der ho°ch gegen dem Mann, schneid Im damit nach seinem hals seiner linggen seitten, Begert er dich also zuschneiden, vnd du mit deinem rechten fuß geg~ Im steest, so fall Im mit deiner linggen hand vornen in sein rechte, vnd scheub die wol ubersich, so nimbst du Im seinen obern schnit damit hinwegk, In dem schneid Im mit deiner Sichel nach seinem hals seiner lingke~ seiten, Schneidt er dir auch also zu von oben, So fall Im mit deiner lingke~ hand Inwendig in seinen rechten elnbogen, truck damit wol von dir auff dein lingke seiten, so nimbst du Im das hinwegk, Inn dem tritt mit deinem rechte~ schenkel hinein, vnd zuck dein rechte hand behend an dich von seiner lingke~, schneid Im damit nach seiner lingke~ seiten seines leibs, vnd trit von Im zurugk in guter Versatzung,