Wiktenauer logo.png

Page:Cod.icon. 393 I 093r.jpg

From Wiktenauer
Jump to: navigation, search
This page contains changes which are not marked for translation.

This page has been proofread, but needs to be validated.

Superiniectio Ensis.

Si quis inferioribus ictibus te fuerit congressus, hoc modo te geras, si volueris commemorato habitu uti. Cum ad hostem accesseris, et is ab inferne contra te feriat, excipere ipsius impetum nolito, verum diligenter observato, cum ipsius ictus inferus tibi adpropinquarit, tu de humero dextro ictum porrectum ferias, indeque mucronem longiorem in faciem vel pectus adversarii propellas, nec non eum adplices, et proposito loco ensem adiungas, itaque fiet, ut inferne te adpraehendere nequeat hostis. Si autem is ab inferne ensem levavit, tuumque impetum excipiat, longa tui ensis acies firmiter hostis ensi inhaereat, atque inde celerrime contra ipsius nuditatem proximam concertato.

Isthuc tibi quoque observandum est, si firmiter ipsius ensem contigeris, atque is ex praemunitione alterum latus tibi ferire conetur, tunc acie longa caput eius saucies, et aque contra nuditatem ac prius labores utrinque.

Remotionis Habitus et Usus.

Id hoc modo exercebis. Si ad adversarium processeris, atque is quasi pungere velit se constituerit, tu sinistrum pedem praepones, nec non versus ipsum in aratrum componas te, ex latere dextro tuo, nudumque latus hosti sinistrum praebeas, cum igitur nuditatem fodere conetur, ensem deflectas in latus sinistrum tuum versus ipsius ensem, et brevi acie, eius ensi coniungas, et ea conditione hostis impetum removeas mucronem contra hostem porrecto, sinistro post dextro pedi coniuncto, inde vel pectus fodias.

Alia Forma Praecedentis.

Si in Aratri habitu de latere dextro consistas, et adversarius nuditatem sinistri lateris superne conetur ferire, tu sublato ense, contra ipsius Ictum in latus sinistrum eum convertas