une estocade au visage afin qu’il pare, & quant il parera de son espee, tu yras a l’encontre en passant du pied gauche couvrant son espee avec ton pougnart, tu chercheras la commodité de le frapper ou il sera descouvert.
POUR L'ESCRIME DE LESPEE, & de la cappe ou manteau.
L'Escrime de l’espee, & de la cappe ou manteau est fort prompte & necessaire a l’homme en tous lieux d’autant que cest une habitude à tous, & par tout de porter espee & manteau. Pour premiere instruction de ceste escrime, il est expedient de cognoistre quant on vient a un tel combat, & comme on peut frapper son ennemy.
Premierement si ton ennemy s’approche & qu’il te tire de pointe ou de taille, tu pareras en ceste maniere.
S’il te tire un droict ou bien une estoquade dessus
