Ein bruch
Item Nym daß arms war vnd drÿtt vmb vnd tribe den arm bruch
Item Aber far vber mit der hantt vber syn vor gesetzen hant vnd zuch In zu dir vnd brich vnd setz Im ann ~
Item oder wechsell vnten durch vnd setz ab mit dem kloßem
Ein bruch
Item bich dz Nym des kloßes war mit der lincken hant vnd stos ym dz swertt in den ruckenn vnd stich Im vnden zu den hodenn ~
Die dritte hutt
Item Nÿm dz swertt in bede hende vnd ste in dem gehenck bÿ der rechten sytenn Also das der linck fuß fur stee vnd generer vff dich stichett oder wolt schlagen mit dem kloß oder will dir an setzen so stich im zu sÿner versatzung in die hant ~
Item oder stich vber sin hant duech vnd vber sin swertt vnd druck den knopff zu der erdenn vnd setz Im an
Item nÿm vnd schlag mit dem knopff zu dem vor gesatzttem elnbogenn
Item oder schlag Im vnden zu dem elnbogem vnd dz swertt wider gefast by der klÿngem vnd vnder