You are not currently logged in. Are you accessing the unsecure (http) portal? Click here to switch to the secure portal. |
Page:Cod.icon. 393 I 305r.jpg
De interclusione
Quum colluctaris cum aliquo forti, atque te vi intercludat, tum manu dextra totis viribus eum ad te attrahas, nec non interclusum ipsius libero pedi superimponas. Inde si superne imsum removeris, pronus concidet adversarius.
Notabile
Si quis intercluserit te, et liberum brachium tuum corripuerit, coneturque te sternere, tum brachium inferius ipsius brachio retrorsum superiniicias atque ipsum protrahas. Eo igitur habitu brachium ipsi disrumpes, atque insuper pronum prosternes. Utrinque hoc exercetur.
Aliud
Si animadvertis, qui adversarius ex interclusione pellere te moliatur, tunc subito te in ipsum extendas. Eodemque pede ipsum praecedas, coxam inde in gremium adplices. Post sinistra manu pedem ipsius retrorsum captato, per dorsum hostem deiicies. Item et hoc utrinque formetur.