·11· Der Tolch hat ſeinen urſprůng uon den urallten Teůtſchen, wirt aůch in dem geſatʒ Hermanni der Teůtſchen künig, pfriemen genant, Unnd iſt in der not ein ernſtliche wher, můß ainen kecken unerſchrocknen mann haben, hat uil uortails, ſo ʒů der erhaltůng des lebens dienet, Inn ſich, Diſer Stůckh ſeind wie ſie dann nacheinander uolgen,
·12· Aůß dem Tolchen kůmbt das Ringen · vnnd werden vast · mit vnd důrch ainannder geregiert vnd gelernet · Inn Sůmma es send gewhören vnd stůckh · die ain grossen ernst Inn sich haben · vnd dem man gar bald den sig · oder den tod fůrdern · diser Ringenstůckh seind · 106 ·
·13· Item der kampff mit der Růndellen · vast aůf Welsche Manier mit dem Rapier · hellt Inn · 46 · stennd ·
·14· Die Mordagst ist aůch gleicherweis von den vorbemellten Amazones erfůnden vnnd gebraůcht worden · vnnd ist ain wůnder zů hören · das soliche zwo ernstliche gewhỏrn · von dem Weiblichen stammen Iren anfanng haben sollen vnnd were mir aůch schier zweifelhafftig zů glaůben · wa nit Aůentiniůs, vnnd anndre · mer glaůbhafftig daůon geschriben hetten · dise Mordagst hellt Inn Ir ernstliche stůckh · 16 ·
·15· Noch send etliche gůte stůckh · die den kampff betreffen vnnd grosse Manhait anzaigen · vnnd ist der kampff zů Roß · hellt Inn sich · 58 · stůckh gar kunstlich
·16· Dergleichen wirt der kampff mit der Tartschen vnnd spieß In · 16 · stůcken herfůr gethan ·
·17· Der kampff Im Harnasch zů fůoß hatt 76 stennd ·
