Das Sonnen zaigen.
Item wann Ir zu°samen gond, so halt dich also in disem stu°ck, Stand mit deinem rechten fu°ß vor, vnnd halt dein Sichel in deiner rechten hand in ainem vndern schnit gegen dem Mann, dein lingke au°ff deiner lingken hüff, In dem trit mit deinem linggen schenckel hinein, vnd schneid Im nach seinem rechte~ arm, Schneid er dir also zu° mit ainem mitlen schnit, vnd du° au°ch mit deinem rechten fu°ß gegen Im steest, So nimb Im das ab mitten in dein Sichel au°ff dein rechte seitten, Hat er dir das also abgenomen, so setz Im mit deiner linggen hand au°ßwendig an seinen rechten elnbogen, scheu°b damit von dir au°ff dein rechte seiten, Scheu°bt er dich also von Im, So haw° Im mit deiner Sichel vmb seinen Leib hinu°mb au°ff seiner rechten seitten mit ainem schnit, Begert er dich also zu°schneiden, so laß dein Sichel fallen, vnd greiff Im mit deiner rechten hand nach seiner rechten seiten~ seines hau°bts, vnd mit deiner lingken nach seiner lingken seitten, Wend Im damit sein angesicht gegen der Sonnen, so magst du° In au°ch werff
